លោក ហោ វាសនា អភិបាលរងខណ្ឌច្បារអំពៅ ដឹកនាំកម្លាំងចុះពិនិត្យរដ្ឋបាល
19-November-2015 | ដោយ មួយឡា
ភ្នំពេញ៖ ដោយអនុវត្តទៅតាមគោលនយោបាយភូមិ-ឃុំមានសុវត្ថិភាពរបស់រាជរដ្ឋាភិបាល នៅរសៀលថ្ងៃទី១៨ ខែវិច្ឆកា ឆ្នាំ២០១៥ កម្លាំងគណៈបញ្ជាការឯកភាពរដ្ឋបាលខណ្ឌច្បារអំពៅ ដឹកនាំដោយលោក ហោ វាសនា អភិបាលរងខណ្ឌច្បារអំពៅ បានចុះត្រួតពិនិត្យដ្ឋបាលនៅចំណុចផ្ទះលេខ៣០៧ ផ្លូវ៣៦៩ ស្ថិតក្នុងភូមិព្រះពន្លា សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។
ការចុះត្រួតពិនិត្យនេះ យោងតាមព័ត៌មានដែលប្រជាពលរដ្ឋបានជូនដំណឹង និងអនុវត្តតាមគោលការណ៍របស់ ឯកឧត្តម ប៉ា សុជាតិវង្ស អភិបាល នៃគណៈអភិបាលរាជធានីភ្នំពេញ និងការណែនាំពីលោក អ៊ាង ស៊ីផាន អភិបាលខណ្ឌច្បារអំពៅ និងមានការឯកភាពពីលោក ស៊ិន វីរៈ ព្រះរាជអាជ្ញារង អមសាលាដំបូងរាជធានីភ្នំពេញ។
កម្លាំងគណៈបញ្ជាការឯកភាព បានបង្ក្រាបល្បែងស៊ីសង ហ្គេមបាញ់ត្រីខុសច្បាប់ ចំនួន ១ទូ និងឃាត់ខ្លួនមនុស្ស២នាក់ ដែលរក្សាទុកថ្នាំញៀន១កញ្ចប់ បច្ចុប្បន្នកម្លាំងចំរុះបានរឹបអូសយកទូហ្គេមបាញ់ត្រីនេះ មករក្សាទុកជាបណ្តោះអាសន្តនៅសាលាខណ្ឌច្បារអំពៅ ចំណែកជនសង្ស័យខាងលើប្រគល់បញ្ជូនទៅអធិការដ្ឋានខណ្ឌច្បារអំពៅ ដើម្បីចាត់ការតាមនីតិវិធីច្បាប់៕
ប្រភព៖ ទំព័រសាលាខណ្ឌច្បារអំពៅ
ចំនួនអ្នកទស្សនា
- ថ្ងៃនេះ4791
- ម្សិលមិញ12561
- សប្តាហ៍នេះ32741
- ខែនេះ54621
- ឆ្នាំនេះ54621
- សរុប20497077